විදුහල්පති පණිවිඩය

බදුල්ල දිස්ත්‍රික්කයේ මහියංගන කලාපයේ රිදීමාලියද්ද ප්‍රාදේශීය ලේකම් කොට්ඨාසයට අයත් බ/කෙසෙල්පොත යාය 11 දශක හතරකට අධික ඉතිහාසයක් ඇති  ප්‍රදේශවාසීන්ගේ   ගෞරවාදරයට පත්‍ර වූ අධ්‍යාපන ආයතනයක් වශයෙන් හදුන්වාදිය හැකිය.

    රටක, දැයක නිමකල නොහැකි ධනය ළමා පරපුරයි. මොවුන්ගේ හැඩගැස්ම අනුව රටේ දැයේ ආනාගතය තීරණය වේ. දැනුම,ආකල්ප,කුසලතා හා නැණ,ගුණ බෙලෙන් යුතුව මෙම පරපුර හැඩ ගැසීම වැඩිහිටියන්ගේ හා වගකිව යුත්තන්ගේ පරම පවිත්‍ර වගකීමයි. මෙම කර්යයෙදී අප විදුහලේ සහෝදර ගුරු මණ්ඩලයේ සහ ආදරණිය දෙමාපියන්ගේ උදාර මෙහෙවර අගය කරන්නේ හදපිරි බලවත් සතුටිනි. 

    ළමුන් 85 දෙනෙකුගෙන් එක් ගොඩනැගිල්ලක් තුළ බ/කෙසෙල්පොත යාය 11  විදුහල නමින් 1977 දී ආරම්භ කරන ලද මෙම පාසලේ  වර්තමාන දියුණුව ඉතා ඉහළ තත්වයක් පවතී.  අද වන විට ප්‍රධාන පාසල් ගොඩනැගිලි 05ක් පරිගණක කාමරයක් අධ්‍යාපනය ලබන ළමුන් 530 කට  සෙවන සලසන ගුරු මණ්ඩලය 25 දෙනෙකි. 

    ජාතික පොදු අරමුණු පෙරදැරි කර ගනිමින් අත්‍යවශය නිපුණතා සාක්ෂාත් කර ගනිමින් ප්‍රදේශයේ අධ්‍යාපනික සංස්කෘතික හා සමාජීය හර පද්ධතීන් ආරක්ෂා කර ගනිමින් විෂයානුබද්ධ හා විෂය සමගාමිව දෙනු ලබන අධ්‍යාපනය තුළින් මේ වන විට අ.පො.ස. (ස.පෙළ.) හා 5 වසර ශිෂ්‍යත්ව විභාග ප්‍රතිපල වලින් සෑම වසරකටම ඉදිරියෙන් සිටින්නෙමු. ඒ අනුව 66% ක පමණ ප්‍රමාණයක් උසස් අධ්‍යාපනය ලැබීමට සුදුසුකම් ලබන බව ප්‍රකාශ කරන්නේ බලවත් සතුටිනි. එසේම ක්‍රීඩා කටයුතු වලින් දිස්ත්‍රික් හා පළාත් මට්ටමෙන් ලත් ජයග්‍රහණ අපමණය.

     අපගේ දුෂ්කර කර්යයෙදී එක මල්ඵල ගැනීමක් වශයෙන් අප  විදුහලෙන් මූලික අධ්‍යාපනය ලද වෛද්‍යවරු,ඉංජිනේරුවරු,නීතීඥවරු,ගුරුවරු සහ වෙනත් නිළධාරීන් සමාජයේ ඉහළ තනතුරුවල වගකීම මැනවින් ඉටු  කිරීමත් ලෙස පෙන්වා දිය හැකිය. 

      දැනුම පමණක් නොව කුසලතා වලින්ද පිරිපුන් සමාජයකට යම් මෙහෙවරක් ඉටුකළ හැකි දරුපරපුරක් බිහි කිරීමට ප්‍රයන්ත දරණ දයාබර ගුරු මණ්ඩලයද, දෙමපියන්ද, සුබ පතන්නද සිහිපත් කරමින් මෙම විදුහලේ ඉදිරි දියුණුව එක සිතින් ප්‍රාර්ථනා කරමි...